أيوب بوشاقور

قررت نبدا نكتب هنا بشكل يومي..  هادي ثلاث أيام "وقت كتابة هاد التدوينة" باش حيدت جميع التطبيقات لي عندهم علاقة بالشبكة الاجتماعية "فايسبوك". صراحة مازال كانحس بأعراض إنسحابية ديالو لكنني كانقاوم أنني نبقى بعيد كل البعد و نلتزم بالتحدي لي رفعته. ماتصورش الوقت الكبييير لي كنت كانضيعو وانا متصل بهاد الشبكة،  وليت نحس بفراغ و راحة أكثر قريبة نوعا ما من راحة انتزاعك لسروال مزير. حاليا كانحاول نعمر هذاك الوقت بأحسن ماكاين و لي هو القراءة،  حاليا كانقرا واحد الكتاب جميل واخا الكتروني حسيت بالراحة معاه واخا عادة ماكانرتاحش مع الكتب الالكترونية.  الكتاب بعنوان "عزاءات الفلسفة" كتاب جميل للكاتب آلان دو بوتون هو كان ممكن يكون اسمه الفلسفة كعلاج نفسي حيت حقا المحتوى ديالو كله حكم و أفكار فلسفية لي كاتساعدنا نفهمو بيها الحياة، الكاتب جمع بزاف الحكم و الآراء ديال الفلاسفة المعاصرين و القدماء لي حول الحياة و الحقيقة و الخير و الشر فواحد القالب جميل و سلس.  مازال غادي ناقش الكتاب فتدوينات جاية..  المهم الحياة جميلة و رائعة بعيدا عن الضجيج لي كنت ...

هاد المرة ماغاديش نكتب بالفصحة حيت كانحس براسي بغيت نعبر على راسي بطريقة اكثر راحة و أكثر حميمية واخا اللغة العربية الفصحى تقدر توفر هاد الأمر لكن بغيت نكون  أكثر راحة مع ذاتي . علاش رجعت هنا مرة أخرى ؟ بكل بساطة هنا كانحس براسي أكثر راحة من مواقع التواصل الاجتماعي لي كانت كاتشد مساحة أكبر من الوقت وكاتخليك متصل لوقت أطول لدرجة أنك فبعض الأحيان ماكتعرفش أنت أصلا أشنو كادير تما ، وهاد الأمر لي ولا كايقلقني شوية  و لي خلاني نبعد من الفيسبوك شوية . الفيسبوك منصة قوية و مؤثرة بواحد الشكل جنوني على المستخدمين ديالها و لي استطعات أنها تجبر بزاف منهم أنهم يختارها هي على الحياة الواقعية و الطبيعية ، ولينا نشوفو الأغلبية انتقل حرفيا للعيش فهاد الفضاء و تخلا  بشكل لي نقدرو نقولو عليه "كلي" عن العالم ، عن العائلة ، عن الأصدقاء و عن ذاته. هادشي طبعا مؤشر خطير لي كايدل على أننا غادي نفقدو بزاف ديال الخصائص المتعلقة بالواقع و أننا أصبحنا باردين فالانفعالات و الأحاسيس ديالنا . الفيسبوك مضخة عملاقة ديال المعلومات ، الأخبار و الصور ديال الناس لي نقدرو مانكونوش ...